قیشین قره قئییدی آلیب منیم جانیمی

بو سیگاردا زه لی تک ، دوشوب منیم جانیما

سازاق سازین قوراراق ، قولاقدی سانکی بورور

یئنه قیشین قوشونی ، پائیز مارشین چالاراق

اوشودوم ها اوشودوم، دئییر منیم دردیمی

پاییزلامیش زمی یم، وریان منه نه گرک

قوی چالخاسین بیزی بو ، زمانه ئهره کیمی

هنر دیلین قلمین ایشدن سالان منی ده

حیدربابا یولی تک ، یول باغلانیب اوزومه

نازلی یاریم گئده لی ، سؤنوب منیم چیراغیم

مریم کؤچوب گئدیبن شهرزادینم دا گئدیر

یئتیم تک اوز - گؤزومی نیبت باسیب باساجاق

نه دیز وار کی سورونوم، نه اوز وارکی قاییدیم

ائلدن منی قئوجالیق ، آزقین سالیب ، سالاجاق

بیزیم ده چایخانامیز ، چای تؤکررک قوناغا

قلیانلا شهریاریم غمی قالدیر باقالیم